O cubo do Arquivo Pacheco fai un percorrido pola historia e avatares da tarxeta postal, a tarxeta postal en España, a cronoloxía (desde 1869 ata 1975) da emisión da tarxeta postal e conta tamén cunha “cámara escura” para que os visitantes poidan experimentar como é o seu interior.

cubos LL e M: o proxecto Conta con Elas enmárcase na iniciativa comunitaria EQUAL, promovido pola Área Metropolitana de Vigo e xestionado pola Mancomunidade da Área Intermunicipal de Vigo, e en colaboración coa Concellería da Muller do Concello de Vigo puxo en marcha (marzo 2007) o Planeta da Igualdade no museo Verbum. Concíbese como un espacio interactivo onde as rapazas e os rapaces aprenderán xogando cal é o significado que ten a igualdade entre homes e mulleres nos distintos ámbitos da nosa sociedade: educación, sociedade e igualdade de oportunidades.